වේසාවා Jigolo

THE STORY

About the film

සිනමා නළුවෙකු වීමේ සිහිනයක් දකිමින් කුඩා චරිත රඟපාමින් ජීවිතය ගෙන යන මහේන්, කොවිඩ් වසංගතයත් සමඟ තම ආදායම් මාර්ග අහිමි වීමෙන් දැඩි ආර්ථික අර්බුදයකට මුහුණ දෙයි. පසුව ජිම් එකක රැකියාවකට යන ඔහු ගුවන් සේවිකාවක් සමඟ ප්‍රේම සබඳතාවක් ආරම්භ කර ඇය සමඟ ජීවත් වීමට පටන් ගනී. ඉක්මනින් වැඩි මුදලක් උපයා ගැනීමට අවශ්‍ය වන මහේන්ට ඔහුගේ මිතුරෙකු අසාමාන්‍ය රැකියාවක් යෝජනා කරයි. එතැන් සිට වැඩිහිටි ධනවත් කාන්තාවන්ට මුදලට සමීප සම්බන්ධතා ලබාදෙන Gigolo කෙනෙකු බවට පත්වන මහේන්, තම පෙම්වතියට රහසින් දෙබිඩි ජීවිතයක් ගත කිරීමට පටන් ගනී. මේ අතර ඔහුට ස්වර්ණා නම් අභිරහස් වැඩිහිටි කාන්තාවක් හමුවෙයි. අනෙක් ගනුදෙනුකරුවන්ට වඩා වෙනස් ලෙස හැසිරෙන ස්වර්ණා සහ මහේන් අතර ඇතිවන අමුතු සම්බන්ධතාවය, හදිසි මරණයක් සහ පොලිස් විමර්ශනයක් සමඟ නොසිතූ දිශාවකට හැරෙයි. මුදල්, ලිංගිකත්වය, පවුල් රහස් සහ මිනිස් සබඳතාවල අඳුරු පැති හරහා දිවෙන වේසාවා, අවසානයේ මහේන්ගේ ජීවිතය සම්පූර්ණයෙන් වෙනස් කරන රහසක් වෙත ඔහුව රැගෙන යයි.